Verkir í höndum geta stafað af ýmsum orsökum, þar á meðal meiðslum, slitgigt í þumli eða breytingum á byggingu handarinnar. Þessir verkir geta haft áhrif á daglegt líf og vinnu, og því er mikilvægt að bregðast við þeim tímanlega. Að hlusta á merki líkamans og leita aðstoðar getur haft veruleg áhrif á lífsgæði.

Fyrsta skrefið er að leita til læknis til að greina orsök verkjanna. Ef mælt er með spelku eða annari stuðningsvöru getur ForMotion veitt sérfræðiráðgjöf og sérsniðnar spelkulausnir.Spelkur fyrir hendur eru hannaðar til að veita stuðning, leiðrétta skekkjur og auka eða takmarka hreyfigetu eftir þörfum. Hvort sem þú þarft einfalda spelku eða sérsniðna lausn, vinna stoðtækjafræðingar okkar með þér að því að finna bestu mögulegu lausnina.

Sinaskeiðabólga, sem einkennist af dofa og verk í hendi, er hægt að meðhöndla með stífri úlnliðsspelku.
Við slitgigt í þumli, sem oft hefur áhrif á eldri einstaklinga, bjóðum við upp á spelkur sem draga úr verkjum, koma í veg fyrir skekkjur og styðja við þumalfingurliðinn.

Stoðtækjafræðingar okkar vinna með þér til að tryggja að spelkan passi þægilega og veiti þann stuðning sem þú þarft. Hvenær og hversu oft þú notar spelkuna fer eftir áverkum eða ástandi. Við aðstoðum þig við að skilja hvernig best sé að nota spelkuna til að hámarka árangur.

Fingraspelkur geta skilið eftir álagsbletti þar sem þær veita mestan stuðning, líkt og hringur. Þessir blettir ættu að hverfa innan 20–30 mínútna eftir að spelkan er tekin af. Sérstaklega ef þú ert með sykursýki eða skerta tilfinningu í húð, ættir þú að skoða þessi svæði reglulega til að forðast húðskemmdir. Hafðu samband við ForMotion stoðtækjafræðing ef þú upplifir húðvandamál.

Silfrið sem notað er í mörgum fingraspelkum er sterling silfur 925, sem er án nikkels og talið ofnæmisvænt. Ofnæmi fyrir silfri er mjög sjaldgæft, en getur komið fyrir. Ef þú ert með þekkt ofnæmi skaltu ræða það við sérfræðing. Hafðu einnig samband ef þú upplifir húðskemmdir eða óþægindi.

Ef spelkan er úr plasti má hreinsa hana með vatni og sápu eða sótthreinsandi efni. Forðastu mikinn hita og notaðu ekki sterk leysiefni eins og bensín eða asetón. Ef spelkan er úr silfri eða öðrum málmum má hreinsa hana með vatni og sápu eða handspritti. Silfurspelkur ætti að hreinsa reglulega til að fjarlægja óhreinindi, sápu eða snyrtivörur sem geta ert húðina. Ef þörf er á sterkari hreinsun má nota silfurpúss eða tannkrem.

Til þess að panta tíma hjá stoðtækjafræðingi getur þú sent okkur tölvupóst eða haft samband við okkur í síma 515 1300. 

Til að eiga rétt á greiðslu eða endurgreiðslu þarftu tilvísun frá lækni eða sérfræðingi. Ef þú ert að leita að hjálpartækjum sem þú ætlar að borga fyrir sjálfur er tilvísun ekki nauðsynleg.

Fyrsta heimsókn þín til ForMotion Stoðtækjaþjónustu mun byrja með viðtali. Við munum spyrja þig spurninga um hvernig þér líður og hverju þú vilt áorka með því að vinna með okkur. Þetta hjálpar okkur að átta okkur á þínum þörfum og hefja samtal um hvaða lausn gæti hentað þér best. Eftir stutta líkamlega skoðun gætum við tekið gifsafsteypu, þrívíddarskönnun eða aðrar mælingar, allt eftir því hvaða lausn þú þarft og hentar þér. Við höfum fjölda lausna á lager hjá okkur, en ef við þurfum að búa til sérsniðna lausn, munum við skipuleggja tíma fyrir þig til að prófa hana og fá hana rétt stillta af stoðtækjafræðingi.

Þú getur greitt með reiðufé, debetkorti eða kreditkorti hjá okkur. Í mörgum tilfellum greiða Sjúkratryggingar Íslands hluta af kostnaði við kaup á hjálpartækjum, en til þess þarf að fá "Umsókn um styrk til kaupa hjálpartækis" útfyllta af lækni. Við erum með samning við Sjúkratryggingar Íslands (SÍ) varðandi kaup á stoðtækjum og spelkum. Sérfræðingar okkar leiðbeina fúslega um val á stuðningstækjum, m.a. með tilliti til samnings SÍ.